Alfons Schuhbeck

Dem Alfons Schuhbeck, bei dem ich Anfang der 90ziger Jahre in Waging am See das Handwerk des Kochs lernen konnte hab ich ja schon einen Magazinbeitrag gewidmet. Vor einigen Tagen hab ich dann noch ein schönes Gedicht verfasst, dieses möchte ich Euch nicht vorenthalten - ist a wengerl auf guad borisch geheuten:

da Alfons odr des schene lebn

gschund´n ham´s mi allesamt -
da alfons, da helmut
da heinz und da jürgen...
i könnt se olle derwürgn.

gschwitzt hab i wi a hund
g´hackelt hab i 6 tag die woch´,
und weils so schee wor,
hob i des glei zweimal gmocht.

de vom fernseh´n hamma olle g´sehn,
d´renate, d´ lisa –
olle woit´n zum alfons gehn.
was des euwei für a arbeit war,
doch mir und dem alfons war nix zu schwar.

da thomas steht in da produktion und schafft an,
bringt noch dem master des pfandl heran.
de zutaten hada scho gricht -
da ko da alfons kocha das de decken bricht.

da heinz hot gschrien, wo is da spargel,
draufhin hot da thomas an kapt, den quargel:
leida had er´s dann net guat gricht,
drauf is er glandet im feld, der dumme wicht.

da alfons had dann nimmamehr glocht ,
was hat da  der thomas nur g´mocht...
des auto muas ma abschreibn, da theo muss´es richtn,
aber de hauptsach is,
da lehrbua is wida in da kichn.

zeigt hada uns a andre welt,
beim bambi woma a dabei, de bay münchner hamma bekocht -
dabei hama alle die hosn voll kapt,
doch am ende hats da alfons wieda richtig guat gmocht!

auch heid no is da alfons oft in mane gedanken,
wia a kloans alfonszwergerl hält er mi in schach -
und passt auf und raunzt,
wos i heid bloss wida für fotos mach.

glernt hob i fürs ganze leb´n,
über des soit ma am ende red´n.

Donk dr - sche Alfons dem Großen,
dr Thomas der Kini der Soßen!